很久以前就已經想換個頭盔, 原因有好多, 舊的頭盔唔靚, 花晒, 最緊要係我覺得太大, 不合我戴. 但基於不浪費的原則, 個頭盔又冇爛, 還用得, 如果換, 我就好有罪惡感. 但今早, 個頭盔的扣爛了, 已經扣唔到, 即表示是時候換新頭盔了. 所以放工就馬上去選個新頭盔.

 

去到頭盔店, 第一眼就看到你了, 真是愛不惜手, 已經唔需要選啦, "老闆, 唔該要呢個呀". 咁就帶左佢返屋企啦. 好開心..... 原本想買埋另一個架, 但太貴了, 而且開心唔好一次過用晒, 分開用會開心得長久些 (Carmen教的). 所以就留待下一次吧.

 

p.s. 返到屋企, 比阿妹話我買貴左, 笨呀. 雖然係咁, 我都仲係好開心, 因為真係好鐘意呢個新的Snoopy頭盔.

今次呢個 cake 係應Pauline的要求(生日前2個月就已經remind我)賀佢生日做的. 

答應左做蛋糕之後見到這個食譜(http://www.leisure-cat.com/frm_1461.htm)就決定做這款蛋糕, 因為個樣實在太靚啦.

 

我對這個蛋糕的結論是美觀多於美味, 因為味道方面沒有什麼特別令人回味的東西. 而且我自己試做時都做了兩次, 所以帶返公司比大家食時, 我已經沒太多的興奮了.

 

反而整這個蛋糕時想起之前的黑白朱古力蛋糕和Tiramisu, 好想再食, 所以暫時決定下一個蛋糕唔試新野, 做番這兩款食. 係呢度要感謝一下我的屋企人, 同舅父母, 因為佢地好捧場, 每次我做完新野佢地都幫我試味 (仲要幫我食清完), 令我獲益良多. 但非常唔好意思, 做咁多次, 都冇一個係為佢地而做的, 只是一直要佢地做白老鼠, 下次做這兩個, 會是專誠為他們而做的.

 

雖然冇正式去醫生度驗過, 但每次食完紅豆都會喉嚨發炎, 紅豆沙, 紅豆冰, 全部都唔食得.

 

今晚食晚飯時喉嚨還好好的, 8:30 開左支蜜瓜味的雪條食, 食左一啖才發覺有紅豆, 但覺得好少紅豆je, 應該冇事的. 過左一陣整條雪條食晒la, 數埋都唔夠10粒紅豆. 當時仲覺得支雪條好好味架....

 

點知 10:30 我開始覺得喉嚨痛啦...嗚.... 上星期感冒, 醫生話我喉嚨有少少發炎, 我都唔痛, 但現在竟然係短短兩個鐘就喉嚨痛...

 

我以後都唔要再食任何同紅豆有關的野呀.

幾年前因為長期唔夠訓而捱出病來, 自那時開始就戒掉了夜訓的習慣. 這不知是好是壞, 因為之後就再無法捱夜了. 就算捱夜過後, 還要很多天才恢復過來.  星期一二連續捱了兩晚之後, 駕車回家時, 一程車差點就炒了三次. 整個人的反應遲鈍得跟本就沒反應.

 

今早在老闆的假民主下(又話去唔去自己決定, 但最後還是要迫人去), 天未光就要出門去影相. 原本影相不是問題, 但時間就唔到我都冇辦法, 整個人都倦得要死, 何來精神陪你去影相呀. 日子選得不是時候吧. 折騰幾個鐘後, 終於都玩完啦.

 

當大家可以回家再睡的時候, 我還要趕去開一個馬拉松式的會. 就係因為唔夠訓, 四個鐘頭的會議, 我全程基本上沒反應, 或者跟本就不會反應. 原本該由我主導的會議, 最後就變成人家的要求大會. 之前努力了四個月, 原本好好的開完這個會, 只要再花一星期左右, 我就可以有兩個月的暑假. 但現在, 全都沒了. 就係因為在會上沒反應, say no 都總該有個理由吧, 個腦好似唔識轉咁, 咩都講唔到, 隻眼倦到想訓著, 就這樣, 整個會我唯一可以說的就是 "哦", "好的, 我照做吧." 我想席上的人應該很高興, 因為很難得這麼多的要求, 我竟然都沒有一個反對, 而且全部照做.

 

原本一星期的工作, 現在變成, 兩個月都差點做不完的工作. 我的暑假就這樣泡湯了.

討厭假民主, I hate that.

自大三以後都沒有上過英語課了. 今天大清早就去上課. 導師是個外國人, 還好吧, 不然我都沒興趣繼續讀下去. 二十個人的班, 出席的人只有一半.

 

開始的時候還不錯的, 大家說東說西的在聊天, 但當真正開始講課的時候, 就跟以往上的英語課都一樣, 又是課文閱讀. 那個老師更要我們一句一句的跟他念. 就這樣兩個小時的課, 就是這樣過了. 課程的名稱叫 "趣味英語角", 但我看不出有什麼趣味來.

從日本買回來的太陽花, 原本只要種6~8星期就會開花, 結果就種了足足種了13星期(近3個月)才開花.

原本有三棵種子的, 最後就只有一棵還活著的生存到今天開花. 這一株的太陽花開始的時候就只有一個花蕾, 但當這個花蕾開始掉謝時, 竟然再多長了兩個花蕾, 現在這三朵太陽花開了已有三個星期了, 看著它們好像有點開始掉謝的情況.

 

我想這罐原本只種6~8星期的花, 現在它的生命已經有17星期, 看來我都不要再望它可以長久下去了. 畢竟曾經擁有過已經好好. 我就不要這麼貪心了.

 

看著它一天天的掉謝, 真有點不快的感覺.

澳門好耐都冇掛八號風球了. 不知是否因為大家知道不用上班都很開心, 但我卻沒這種高興的感覺.

 

昨天就沒這種期待明天不用上班的興奮. 第一個錯誤就是把要做的東西都趕在昨晚做完了(因為今日超無聊呢).

 

如果以往打風, 我出門前都上網看一下天氣報告, 第二個錯誤是今早竟然只是看電視, 看到還是三號就沒多想, 出門去. 在回公司的途中, 收到同事的電話, 說"好像"遲些會掛八號, 及後再收到確認電話時, 已回到公司門口. 那唯有就原車回家吧. 這樣早上就遊車河.

 

第三個錯誤, 當車回到家時, 看到門口的百佳還開門, 我原本都有個衝動想進去掃貨, 最後竟然放棄就回家了.

 

這三個錯誤的決定, 就令我今日悶了一整天, 浪費了一天的時間.

自己的事都做完, 公司的事在家做不了, 想看劇集冇碟, 想看書(小說)都看完, 想看技術書都在公司, 連唯一可做的蛋糕, 家中都沒材料. 嘆, 就這樣就過了超無聊的一天.