今日興之所至, 想搵番遊台灣時抽到的幾米地鐡票出黎睇下.

但搵左好耐, 找遍所有我放紀念品的地方, 相簿, 盒子. 都沒找到.

連台灣地鐡地圖的那張都沒找到. 兩張地鐡票又冇腳, 都底放左去邊呢?

搵唔到又有點失望......嘆, 仲有點頭痛.

今個新年一反常態. 年初二去姑媽屋企拜年, 竟然冇悶到傻, 因為變了電影院.

我地睇了 勁好睇的 "翻生侏羅館" + 悶到差點訓著的 "滿成盡帶黃金甲".

 

昨天又看了音樂木偶劇 "金銀島", 好正呀, 每年的木偶劇都好正.

 

初一至初四晚錄了幾晚的電視, 包括 "百變狸貓", "陳奕迅演唱會" , "李克勤演唱會", "小飛俠前傳之魔幻童心".

這幾部今日一次過睇晒佢....haha. 狸貓 & 兩個演唱會都好正, 但最後那套, 有點比 "小飛俠" 三個字老點左...好悶.

足足在電視前坐了七小時, 從未試過.

 

今年真係睇左好多部戲. 不過仲有好多我想睇的, 有機會要睇番晒我錯過左的電影, 但呢個機會真係有排等.

今年冇悠長假期了, 年初四就要開工...嗚

不過, 開工第一日, 就逗了勁多利是, 由於同d 人仲未好熟的關係, 都係坐係位冇四圍去, 但都有唔少人自動送上門呢...哈哈.

返屋企拆利是, 嘩... 好開心呢, 有部份人都好重手呀.

以為開工第二日就應該冇利是收啦. 臨近收工, CEO 同埋成班高層洗樓, 逐個員工派開工利是 (好親民喎)

開頭諗住只係利是一封冇太大的期望, 點知開左之後先發覺, 原來公司都照顧我地架, 封利是好重手呢. 仲要係港幣......

 

總結, 今日係歷年來收得最多利是的一年, 不論封數還是金額.....果然係豬年旺我.

 

新一年祝各位開工大吉, 諸事順利.

 

ps.新年只係放左兩日假, 但我的生理時鐘又打亂了. 好不容易才習慣的作息時間, 現在又要重新開始適應.

天呀 10:30 pm 就眼訓, 咪即叫我早d 訓....我大把野未做.

今日係年三十, 咁就同大家先拜個早年.

祝大家豬年好, 荷包發過豬頭, 諸事順利...

 

上星期同大家食dinner, 我收到好多份禮物呢, 真係多謝各位的心意.

晒下命先 ....haha , 有 ICEBERG 的名牌披肩 , Eva 的頸鍊, 日本的金銀相簿 等等, 實在太多了禮物了, 不能盡錄.

我都知這些禮物都價值不非, 大家實在送得太厚禮啦, 真的有點不好意思.

個晚大家都玩得好開心, 所以...將來要再玩過. (記得叫埋我呀)

 

返了一個星期的新工, 很不習慣, 朝早雖然係返9點, 但由於唔可以遲到的關係, 8:30就要出門 (我平時8點半先起身架ma),

放工更唔慣, 5:30 就放工啦, 咁早返屋企, 好像太無聊, 我個同事話我唔慣咁早放工係賤骨頭喎...hehe. 雖然平時放得早, 但如果半夜做完day-end 部機有事, 就要返公司 (同事話呢個情況久不久就會出現). 仲有就係每兩星期就有一日要返 0700 做 power down. 不過由於呢d我全部都未識做, 所以, 暫時都唔關我事, 等我同事放完長假返黎教識我, 以後就係我返啦. 嗚.

工作除左 gen 5份的 daily report, 就係 weekly report, monthly report. 通通都係 report. 把每日的report 送交各個老闆後 (不用一小時就 gen 完), 就係私人時間, 由於我上任的關係, 我的同事的工作都由我包辦, 她要做什麼, 就係睇住我寫 program 把所有的 report 都寫個 interface 出來 auto gen, 咁就可以叫 operation room 的人做, 咁我地都唔駛做啦.

除左呢d 最唔習慣就係要輪班食飯, 所以大家都係食自己. 得一個鐘頭, 都去到幾遠.

 

基本上呢度的工作環境同 c記大致相同, 除左冇得上網, 其他的都幾好.

係呢度, 有幾楝堆到半身咁高的電腦雜誌(實在太多種類, 包括每本最新個期) 任睇, 有人自動補貨的零食&飲品倉.

上司都超好人, 唔知係咪人手短缺的關係, 佢成日都怕我唔做; 我個朋友做左七年, 佢話從未見過上司駡任何一位女同事.

 

不過唔知係咪比你地講得多, 我都覺得 mgto份工都有機, 而家 bank 呢份工, 總好像做唔長咁.

所以都唔想放太多的心機入去, 只係做好本份就算. 我諗到 mgto 份工名落孫山, 我才會認真去做呢.

 

新的一年, 大家都要加油呀, 等我遲d 返工可以用3G 上網&睇電視都靠你地啦.

 

ps: 由於冇得上網的關係, 所以我真係可以好專心咁乖乖坐係度寫 program, 真係幾開心架(成功感).

工作了三年的地方, 終於要離開了. 明天是最後一天. 這一次離開, 也代表著一些事情的結束.

真奇怪, 當我決心在新合約上簽紙以後, 原本執著的事, 好像都放開了, 不知是否意識到一切真正要結束.

 

三年來, 這裡的人和事都帶給我很多快樂的回憶. 感謝大家一直到我的照顧和包容, 讓我可以在這裡學到更多.

我們team的工作日漸繁重, 很抱歉, 我的離開再加重大家的工作量, 希望各位好同事繼續努力吧.