早前報了兩個麵粉花班的課程, 一個做生果檔, 一個做蛋糕店. 等我滿心歡喜. 今日開始上生果檔的課. 個樣版真係幾靚, 不過估唔到呢d 都有功課要做. 整體而言, 除左個miss 把口衰d, 咩都要罵一餐外, 都算唔錯. 但上到一半, miss 突然間講, "之後的蛋糕課程改左做賀年食品, 如果已經報左的人唔鐘意可以退返錢, 不過個課程已經滿晒啦." miss 這樣一講, 即時咩心機都冇晒, 蛋糕店才是我的主要目的, 沒了蛋糕店, 我黎做咩. 我唔要退錢, 比番間蛋糕店我呀. 問miss 幾時會開班教整蛋糕店, 佢竟然話 "唔會啦, 整蛋糕咁簡單, 我都唔好意思收你學費啦", 天呀! 既然唔諗住教, 當初就唔好寫出黎啦. 況且, 你係專業當然話簡單啦, 我初學咋. 而家唯有學完個生果檔先, 個蛋糕店遲d 自己慢慢研究啦.

有同學想影底個樣版, 不過miss話唔比影相, 咁唯有等我做完再影出黎比大家睇啦, 大前題是我要做得晒 (冇爛尾), 同埋做得見得人.

做了八個月的銀行programmer, 始終都不是太適合我. 我就是一個不能停下來的IT 人吧. 還是做回自己的專長web develop比較有興趣.

前日, 最後一天返工的日子, 最後一次返早的日子. 離開沒太大的感覺, 畢竟對這間公司, 我從未有過歸屬感. 至於同事們, 由第一日返工, 到離開, 我跟他們都沒什麼話題. 比較熟的還只是我的朋友和上司.

原打算最後一天買點食物回來跟大家道別, 但大家都好像沒什麼反應, 那麼我也沒興趣去做這麼多了, 只是放工時去買了一點朋友和上司喜歡吃的給他們. 想不到上司還跟我說很感動呢.

這個上司真是一個百份百的絕對好人, 無論公事還是私事, 只要能他能幫得上忙, 都有求必應, 又沒架子. 能有幸跟這樣的一個上司, 還有什麼要抱怨呢. 只是工作種類真不是我的那杯茶, 沒法子.

過兩天就到新公司上班了. 到時又是另一番新景像.