Jane's profileJane 想講就講PhotosBlogListsMore  |  Tools Help |
|
October 28 史諾比之大驚小怪昨晚放工, 好開心咁去攞相(之前去台灣的相), 之後就去買相簿啦. 呢個係我的習慣, 每次旅行返黎都會選一些精彩的相去晒, 之後再選番兩本靚靚相簿放的. 今次都唔例外, 就去左博士文具, 那兒有好多相簿選呀. 睇睇下記起, 附近的曲奇都有好多相簿賣, 於是就走過去, 結果係曲奇買左一本, 之後返回博士再選, 我選了兩本史諾比相簿. 點知, 比我見到博士有賣史諾比的07年坐枱and掛牆月曆, 考慮了一陣決定買, 因為是最後一本. 而且好靚. 好啦, 埋單. 去到收銀, 個姐姐仔望下我d 野, 兩本史諾比相簿, 一個史諾比月曆, 點知我拿個銀包出黎時, 都係史諾比, 個姐姐仔忍唔住口話, 真係全都係史諾比. 連個銀包都係, 我心諗, 我身上仲有好多史諾比, 電話繩, 架車的貼紙, 頭盔 都是啦. 我屋企就更加唔駛講la, 呢d 簡直就小兒科. 真係大驚小怪. October 24 台灣九天樂悠遊嘩, 終於都返澳門啦. 九天的台灣之旅結束了. 這是給自己的最大份生日禮物, 好開心呢.
旅行的相已經整理好, 放在我的 Online Album, 大家有時間就去睇下啦, 經篩選得都有1400張呢. 都放上網了.
至於旅行當中的趣事 + 相片的描述, 就麻煩大家耐心等下, 我遲d 先有時間寫啦.
October 09 生日快樂嘩...今日收左超多禮物. (其實年年都收唔少
 )好多謝大家記得我生日啊, 仲咁有心訂埋蛋糕, 買埋禮物, 超感動呢.
 但有個問題真係好想問... 到底今日食的蛋糕係咩味的呢? 我有點感冒所以不太肯定, 我食到綠茶和芒果味, 但點解大家食到的味道都唔同的呢? 唔通呢個係神奇蛋糕?!
今日真係餐餐都超豐富, 首先有好開心的m記早餐一份, 午餐有 pizza hut, 接著有冒著走火警危險點爉燭的生日蛋糕, 晚餐有自助餐, 再加生日蛋糕.
真係超多謝大家咁有心呢.
我每年生日都會給自己一份生日禮物. 今日還給了兩份大禮呢. 一份是考到私家車牌, 另一份是星期四出發去台灣旅行啦, 去9日呀, 超開心, 一個等了三年的地方, 終於我都可以去了. 一次又一次對自己爽約, 今次真的成行去台灣了.
至於生日願望呢......許左願啦, 係咩?! ..... 係秘密唔講你知. 總知就係好開的事. October 08 定律點解每次都係咁的呢? 唔通真係定律?!
每次忙完都總會病, 今次都唔例外. 昨晚終於忙完所有的工作, 功課, 備課等等所有要做的事. 今天大清早起身準備上學, 結果整個早上不停的打噴嚏和流鼻水. 開始講課前要測驗, 上課才不過 15分鐘, 我就已經倦得想睡, 好不容易才捱到小息, 馬上就去買早餐, 誰知附近的美心沒開店 (最後才發現全澳門的美心餅店今日都冇開門), 唯有係 OK 買咖啡, 至於食的, 實在看不到什麼可以做早餐, 所以只喝咖啡就算了.
飲了咖啡, 人總算精神了一點, 沒再打嗑睡了. 直到放學, 本來想難得今天沒工作, 沒事做, 就去逛逛吧, 看看有什麼好買. 剛巧Pauline 都約了阿Moon, 那就一齊去moon 度玩玩吧. 離開時才四點不到, 於是走去國華看看, 但駕車去時, 人開始慢慢感到不當了, 我想可能太餓吧, 走去吃點東西, 東西吃飽了, 但人越來越不對勁, 一直在冒冷汗, 天呀大熱天我在冒冷汗. 坐了十多分鐘情況還沒好轉, 最後沒法了, 取消所有行程打道回府休息. 回家後, 找點事做, 分散一下精神, 人才好起來.
真是有病呀, 每次工作一停下來就病, 我是不是瘋的? 只要做回工作, 病就會好起來. 連我都覺得自己係痴線架. October 07 模型屋搵到la, "惡作劇之吻" 中湘琴做的模型屋原來就係"袖珍工房"度買架. 超正呀. 所有整模型屋的材料, 傢俱都有. 唔知有冇機會去呢, 係台灣的漳化.
不過就算去唔到都唔緊要, 因為呢間野係 hk 都有 shop 幫佢轉售(華泰行).
袖珍工房
華泰行
October 03 考牌後的上班日考牌後第一日朝早返工, 原本都有個衝動想揸私家車返工, 但一想起平時20分鐘的路程, 看到一部又一部在"排隊"的私家車, 我就決定了. 不是落雨打風, 或者太凍, 都唔揸私家車返工. 因為就算捱過長長的車龍, 還要煩泊位. 公司附近基本上係幾難搵位的. 我絕對唔想 20分鐘的路程變左40分鐘. 唔遲到都變遲到.
唔駛學車的日子真好, 馬上就多很多時間用. 早前學車的日子, 因為一大清早要起身, 晚上很早就要去睡了, 時間沒了大半, 再加上日間學車, 晚上跟本就沒精神去做事, 整個人倦得要死. 兩個月的日子就是這樣過.
現在, 我終於可以過回一些正常的生活了. 最高興的是, 我想我以後都不用再去學車場了, 對於我來說, 一個私家車牌 + 電單車牌已經足夠我用一世, 唔駛再學啦. October 02 台灣旅行還有十天就要出發了. 一個月前就話要停, 但到現在工作還有停下來. 一直以來得 Pauline 一個人去籌備, 真的辛苦了她.
這次旅行才是假期的真正開始. 回來以後不接工作, 因為我還有很多事沒做好呢. 首先是好好規劃我的模型屋. 想了多年的模型屋, 我終於決心的要做出來了. 其他的事都等我做好這間豪宅再說吧. 不過我想要要做三個月至半年, 哈哈. 自己一手一腳, 從零開始把這間 dream house 做出來. 雖然我知道沒這麼簡單, 做出來的效果亦未必會跟想像中的一樣, 但我還是想試試, 畢竟都叫做曾為自己的夢想而努力過.
現附上 Pauline 製作的行程表比大家睇下.
妹子的生日蛋糕2上星期二妹子生日, 那天朝早好趕咁整了一個生日蛋糕. 由於人太多, 所以一如以往一開十六都唔夠分. 每人得好細份.
今日她農曆生日, 我再整一個only for family. 哈哈, 個蛋糕一開八. 每人分到大份好多呢. 正呀, 好味道.
整咁多次蛋糕, 今次係第一次可以一開八, 平時多數都係開 十二或者十六.
|
|
|
